Historiku – Nucleus

Nucleus Albania (NA) është themeluar në Shtator 2014, si një Organizatë Jo Fitimprurëse (OJF) Shqiptare, për të zbatuar qasjen inovative të metodës Bërthamë (Nucleus Approach) tek Ndërmarrjet Mikro, të Vogla dhe të Mesme Shqiptare (NMVM), mbështetur nga Ministria Federale Gjermane për Bashkëpunim Ekonomik dhe Zhvillim (BMZ) dhe Agjencia Gjermane për Bashkëpunim Ndërkombëtar (GIZ). Qëllimi i saj është të ofrojë shërbime të përshtatshme dhe të përballueshme për zhvillimin e biznesit. NA është e para organizatë në Shqipëri dhe në Ballkan, që aplikon një qasje intensive nga poshtë-lart, me një pjesëmarrje të gjerë, e lehtësuar dhe e mbështetur profesionalisht, e cila forcon aftësinë e NMVM-ve për të ofruar shërbime me vlerë të shtuar dhe të orientuara nga kërkesat e tyre.

Vizioni

Të krijojë një mjedis të favorshëm, ku NMVM-të të jenë inovative në të menduarin dhe menaxhimin e biznesit të tyre, duke i shtuar vlerë biznesit të tyre nëpërmjet bashkëpunimit dhe veprimeve të përbashkëta. Si një rrjet jetësor dhe i fuqishëm i NMVM-ve, NA ka vërtetuar të ofrojë përfitime të prekshme ekonomike për anëtarët e saj dhe të krijojë një mjedis biznesi më të favorshëm për NMVM-të.

Misioni

Nucleus Albania ofron shërbime unike të bazuar në grup dhe të personalizuara për zhvillimin e biznesit në zonat urbane dhe rurale në të gjithë Shqipërinë. Me këshillimin interaktiv të bazuar në grupe (metoda bërthamë) NA po forcon me sukses NMVM-të të bëhen më konkurruese, të jenë lojtar aktiv në zinxhirin e vlerës, të përmirësojnë lidhjet e përbashkëta duke krijuar grupime (cluster).

Fokusi

Ndërmarrjet Mikro, të Vogla dhe të Mesme janë shtylla e ekonomisë Shqiptare pasi mbi 95% e ndërmarrjeve që veprojnë në Shqipëri i përkasin kategorisë së NMVM-ve. Është e nevojshme që ato të zhvillohen dhe fuqizohen si subjekte si dhe të bashkëpunojnë brënda sektorëve dhe midis tyre.