Gjatë kësaj vizite bletarët vizituan klinikën veterinare Veterinum Ulcinj ku u njohën nga afër me ushqimet e ndryshme plotësuese për bletët, medikamentet për trajtimin e sëmundjeve të saj si dhe me mjete e paisje të ndyshme për mbarështimin e bletëve. U vizitua parku i bletëve të familjes Ismaili në fshatin Bojke si dhe fabrika e prodhimit të ushqimeve plotësuese për bletët. Blerje në grup me çmim të reduktuar, rrjetëzimi me kolegë të Malit të Zi dhe njohuri shtesë për bletarinë – ishin përfitimet e kësaj vizite. #Support#MSMEs#studyvisit#Montenegro#Network#Jointpurchase#Beekeeping#Connect#Learn#Grow

Fermerët e ullirit dhe prodhuesit e vajit të ullirit shqiptar, antarë të Nucleus Albania u pritën në një takim nga zonja Milva Ekonomi, Ministre e Bujqësisë dhe Zhvillimit Rural, ku diskutuan për shqetësimet dhe problematikat që hasin këto biznese gjatë ushtrimit të aktivitetit të tyre duke filluar që nga mbjelljet, shërbimet e ullirit deri tek cilësia, ambalazhi, çmimi, tregu dhe eksporti i vajit të ullirit shqiptar. Ruajtja dhe shërbimi për ullinjtë shekullor, si vlerë natyrore dhe kulturore e Shqipërisë ishte në fokusin e diskutimit në këtë takim.

Bizneset diskutuan me opsione konkrete për zgjidhjen e problematikave të cilët u pritën me interes nga zonja Ekonomi dhe stafi drejtues i Ministria e Bujqësisë dhe Zhvillimit Rural.Zonja Ekonomi i siguroi bizneset për komunikim të vazhdueshëm duke u bërë pjesë e tavolinave gjatë pregatitjes së politikave mbështetëse për këtë sektor si dhe duke shprehur përpjekjet që Qeveria Shqiptare po bën për të realizuar eksporte në sasi të vajit të ullirit shqiptar.

#mbeshtetje#sipermarrjes#ulliri#vajiullirit#bashkohu#meso#zhvillohu

Nucleus Albania në bashkëpunim me Bashkia Vlorë, Dhoma Kombetare e Zejtarise, Qendra e Transferimit të Teknologjive Bujësore Vlorë, Shkolla Tregtare Vlore, Institucionet financiare FED invest dhe OTP Bank Albania, organizoi aktivitetin promovues të ullirit dhe vajit të ullirit në vazhdën e traditës së gjatë që ka organizimi i këtij aktiviteti. Aktiviteti u përshëndet nga Drejtori i Përgjithshëm i Politikave të Bujqësisë, Sigurisë Ushqimore dhe Zhvillimit Rural në Ministria e Bujqësisë dhe Zhvillimit Rural, Zoti Irfan Tareli. Mesazhi i këtij aktiviteti ishte promovimi i produkteve shqiptare, i gatimeve me vaj ulliri, i lidhjes së fermerëve dhe prodhuesve me institucione të kërkimit, lidhjes me institucione financiare që mbështesin këto grupe interesi për investime, inovacion dhe zgjerim, lidhje me institucione arsimore për t’u bërë promotor të transferimit të vlerave natyrore dhe kulturore tek brezi i ri.

Nucleus Albania në bashkëpunim me Bashkinë Vlorë, TID Vlora, Dhomën Kombëtare të Zejtarisë, Qendrën e Transferimit të Teknologjive Bujqësore Vlorë, Shkollën Tregtare Vlorë, FED Invest dhe OTP Bank organizon Ditën Kombëtare të Vajit të Ullirit më 19 Qershor 2021 në sheshin pranë stadiumit Flamurtari, Vlorë.

Ulliri dhe vaji i ullirit janë kulturë dhe traditë mijëra vjeçare Shqiptare. Le të promovojmë së bashku vajin e ullirit Shqiptar, të shijojmë dhe njohim cilësitë e tij nëpërmjet mënyrës së shijimit të drejtuar nga antarë të Panelit Shqiptar të Shijimit, të shijojmë gatimet me vaj ulliri përgatitur nga duart e kuzhinierëve të ardhshëm të Shkollës Tregtare Vlorë, të motivojmë ndërlidhjen midis fermerëve, prodhuesve, institucioneve kërkimore dhe atyre financiare.

Programi i aktivitetit: 11:00 – 22:00

Panairi i vajit të ullirit
• Shijimi i gatimeve tipike me vaj ulliri përgatitur nga nxënësit e Shkollës Tregtare Vlorë
• Panel shijimi i vajit të ullirit gjatë gjithë ditës për konsumatorët përfshirë dhe fëmijët e shkollave
• Prezantim i skemave mbështetëse nga FED Invest dhe OTP Bank
• Prezantimi i Qendrës ABA dhe ABA Online
• Prezantim i teknologjive për ullishtarinë nga QTTB Vlorë
• Aktivitete krijuese me temë “Ulliri” për fëmijët e shkollave (piktura, punime kreative)
• Ekspozitë me foto të ullinjve shekullor
• Kërcime me kostume popullore
• Në mbrëmje panairi vizitohet nga përfaqësues të pushtetit qëndror dhe lokal